Pinangalanan na ni Press Secretary-designate Trixie Cruz-Angeles ang mga makakasama nito sa Presidential Communications Operations Office (PCOO).

Sa isang handover ceremony, sinabi ni Angeles na itatalaga sa PCOO ang mga mamamahayag na sina Ina Reformina, Dale de Vera, Marlon Purificacion, at Bobby Ricohermoso at sina Greggy Eugenio, Emerald Ridao, Andrei del Rosario, Atty. Eugene Rodriguez, Kitz Barja, Aristotle Aguilar, at Jan Paul Songsong.

Si Angeles ay dating social media strategist ng PCOO mula 2017 hanggang 2018.

Samantala, nagpahayag ng kumpiyansa si outgoing PCOO Secretary Martin Andanar sa mga papalit sa kanila.

“To our successors, may you continue to exhibit what real public service is and manifest a sense of determination to serve the common interests of the public. May you continue to support and pursue PCOO advocacies and aspirations of empowering every Filipino through correct and professional information delivery,” sabi ni Andanar.

Kumpiyansa rin si Andanar na lalo pang pagagandahin ng mga bagong opisyal ng PCOO ang government media group na kinabibilangan ng Philippine News Agency, People’s Television, Philippine Information Agency, at Radio Television Malacañang.