DUMALAW sa Batangas noong Pebrero 26 ang contingent mula sa Mariano Marcos State University (MMSU) sa Batac, Ilocos Norte para makita ang mga salt farms at pag-aralan ang pagpapalakas ng industriya ng asin sa iba’t-ibang rehiyon sa Pilipinas.

Layunin ng pagdalaw na mapalakas ang kapasidad ng pag-ani ng mga asinan sa bansa, magkaroon ng climate resilient salterns at pagpapalakas at pag-aaral ng mga makabagong pamamaraan at teknolohiya.

Sa pakikipag-ugnayan ng mga kinatawan ng MMSU, kasama si Dr. Rodel Utrera, project staff ng Accelerating Salt Research and Innovation (ASIN)-Project 1 ng Provincial Agriculturist (OPA), nakipagpulong ang delegate sa mga opisyal ng pamahalaang panlalawigan ng Batangas kasama si Wilfredo Racelis.