TULOY ang pagbabantay ng mga pulis- Maynila sa mga kalsada ng Sta. Cruz at Divisoria sa Binondo, Manila para matiyak ang seguridad ng mga mamamimili ngayong simula na ang Ber Months.

Consistent ang police presence sa Plaza Miranda at Sta. Cruz station sa kahabaan ng Carriedo at Rizal Avenue sa pamumuno ni Police Major Fredwin Sernio upang masiguro ang kaligtasan ng mga mamimili mula sa iba’t-ibang lugar.

Ganito rin ang set up ng Binondo police station 11 sa pamumuno ni PLt. Col. Roberto Mupas.

Patuloy din ang pagpa-patrol at checkpoint ng mga operatiba ng Motorcycle Unit at SWAT team upang maiwasan ang paglaganap ng anumang krimen sa mga nasabing lugar base sa utos ni Manila Police District Chief P/BGen. Arnold Thomas Ibay.