MAHIGIT sa 18 milyong libreng sakay na ang naibigay ng Metro Rail Transit 3 (MRT-3).

Ayon sa MRT-3, nasa 18,069,523 pasahero na ang nabigyan ng libreng sakay mula noong Marso 28 hanggang noong Mayo 31, 2022.

Mula Marso 28 hanggang Abril 30 ay 8,472,637 pasahero ang nabigyan ng libreng sakay.

Nang palawigin ang programa mula May 1 hanggang 31, umabot sa 9,596,886 pasahero ang nakalibre ng sakay.

Muling pinalawig ng gobyerno ang programa hanggang Hunyo 30, 2022, ang huling araw ni Pangulong Rodrigo Duterte sa Malacañang.

Noong una ay nagbigay ng libreng sakay bilang bahagi ng pagdiriwang sa pagtatapos ng rehabilitasyon ng MRT-3.