𝗜𝗠𝗜N𝗨𝗡𝗚𝗞𝗔𝗛𝗜 𝗻𝗶 𝗠𝗮𝗻𝗶𝗹𝗮 𝟮𝗻𝗱 𝗗𝗶𝘀𝘁. 𝗖𝗼𝗻𝗴. 𝗥𝗼𝗹𝗮𝗻𝗱𝗼 “𝗖𝗥𝗩” 𝗠. 𝗩𝗮𝗹𝗲𝗿𝗶𝗮𝗻𝗼 𝘀𝗮 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗝𝘂𝘀𝘁𝗶𝗰𝗲 (𝗗𝗢𝗝) 𝗻𝗮 𝗽𝗮𝗹𝗮𝗹𝗶𝗺𝗶𝗻 𝗽𝗮 𝗮𝗻𝗴 𝗸𝗮𝗻𝗶𝗹𝗮𝗻𝗴 𝗶𝘀𝗶𝗻𝗮𝘀𝗮𝗴𝗮𝘄𝗮𝗻𝗴 𝗶𝗺𝗯𝗲𝘀𝘁𝗶𝗴𝗮𝘀𝘆𝗼𝗻 𝘂𝗽𝗮𝗻𝗴 𝗱𝗶𝗿𝗲𝗸𝘁𝗮𝗻𝗴 𝗺𝗮𝘁𝘂𝗸𝗼𝘆 𝗮𝗻𝗴 𝗺𝗴𝗮 𝘁𝗮𝘂𝗵𝗮𝗻 𝗻𝗴 𝗕𝘂𝗿𝗲𝗮𝘂 𝗼𝗳 𝗜𝗺𝗺𝗶𝗴𝗿𝗮𝘁𝗶𝗼𝗻 (𝗕𝗜) 𝗻𝗮 𝗽𝗼𝘀𝗶𝗯𝗹𝗲𝗻𝗴 𝘀𝗮𝗻𝗴𝗸𝗼𝘁 𝗽𝗮𝗿𝗮 𝗺𝗮𝗸𝗮𝗽𝘂𝘀𝗹𝗶𝘁 𝗽𝗮𝗹𝗮𝗯𝗮𝘀 𝗻𝗴 𝗣𝗶𝗹𝗶𝗽𝗶𝗻𝗮𝘀 𝗮𝗻𝗴 𝘀𝗶𝗻𝗶𝗯𝗮𝗸 𝗻𝗮 𝗠𝗮𝘆𝗼𝗿 𝗻𝗴 𝗕𝗮𝗺𝗯𝗮𝗻, 𝗧𝗮𝗿𝗹𝗮𝗰 𝗻𝗮 𝘀𝗶 𝗔𝗹𝗶𝗰𝗲 𝗚𝘂𝗼.

Ang ibinigay na suggestion ni Valeriano ay patungkol sa naging pahayag mismo ni President Ferdinand “Bongbong” R. Marcos, Jr. na walang sasantuhin o ang tinatawag na “sacred cow” ang kasalukuyang imbestigasyon ng Justice Department kaugnay sa insidente ng pagtakas ni Guo.

Binigyang ang kaso ni Guo ay maituturing na napakalaking sampal para sa pamahalaan.

Iginiit ni Valeriano na dapat mas maging malalim pa ang pagsisiyasat ng DOJ para mahubaran ng maskara kung sino-sino sa mga tauhan ng BI ang maaaring nakipag-kutsabahan para makatakas si Guo na pinaniniwalaan nitong nagbibigay din ng proteksiyon sa iba pang Chinese nationals na kasamahan ng sinibak na Mayor.

Sinasang-ayunan din nito ang paniniwala na posibleng isang malaking sindikato ang nagpapagalaw sa mga tauhan ng BI dahil hindi naman aniya magkakaroon sila ng lakas ng loob kung ang mga kausap lamang nila ay mga “pipitsuging” grupo.
Ayon kay Valeriano, konektado sa Philippine Offshore Gaming Operators (POGO) ang pagpapatakas kay Mayor Guo matapos sumambulat ang kaniyang totoong pagkakakilanlan base sa ginawang imbestigasyon ng National Bureau of Investigation (NBI).

“Naniniwala ako gaya ng paniniwala ng ilan na isang malaking grupo ang kumikilos para makatakas ng Pilipinas si Mayor Guo. Ito ang dapat halukayin ng husto ng DOJ. Hindi small time ang grupong ito na maaaring konektado sa POGO,” wika ni Valeriano.

𝗧𝗼 𝗚𝗼𝗱 𝗯𝗲 𝘁𝗵𝗲 𝗚𝗹𝗼𝗿𝘆