PATAY ang call center agent ng makuryente habang nag-aahit gamit ang electric shaver sa Quezon City noong Biyernes.

Sa delayed na report ng Criminal Investigation and Detection Unit ng Quezon City Police District (CIDU-QCPD), bandang alas-10:20 ng umaga naganap ang insidente.

Sa imbestigasyon ng pulisya nadatnan umano ang biktima ng kaniyang live-in partner na nakasandal sa double deck na walang malay.

Sinubukang gisingin ang biktima ngunit nakaramdam siya ng kuryente at saka napansin na may hawak itong electric shaver na nakasaksak sa kuryente.

Dahil dito, agad nilang tinanggal ang shaver sa saksakan at humingi ng tulong sa mga kapitbahay.

Isinugod ang biktima sa Commonwealth Medical Hospital subalit patay na ang biktima pagdating.