NASAKOTE ng mga miyembro ng Manila Police District-Sta Ana Police Station 6 ang 24-anyos na binata na naghahamon ng away habang may dalang pen gun sa Oro-B corner Zobel Roxas Sts., Brgy. 770, San Andres Bukid, Manila noong Miyerkules.

Bandang alas-11:45 ng gabi ng mabulabog ang mga residente dahil nagsisisigaw ang suspek na si Jhon Brix ang binata at naghahamon ng away sa mga dumaraan habang hawak ang isang pen gun.

Pagdating sa lugar, nakita ng mga pulis na sumisigaw at nakakabulahaw ang suspek at namataan din ang may hawak niyang improvised firearm.

Nilapitan ng mga umaarestong pulis na sina PMSg Hanny Salamanca at PCpl Jovel Donghit ang suspek at matagumpay na nahuli.

Nabawi sa lalaki ang isang pen gun na kargado ng isang bala ng cal. 38.