Calendar
Dumalo sina Pangulong Ferdinand ‘Bongbong’ Marcos Jr. sa matagumpay na inagurasyon nina Indonesian President Prabowo Subianto at Vice President Gibran Rakabuming Raka.
Source: PCO
Nakabalik na ng Pinas sina PBBM, FL Liza Marcos
NAKABALIK na ng bansa sina Pangulong Ferdinand “Bongbong” Marcos Jr. at First Lady Liza Marcos.
Ito ay matapos ang matagumpay na inagurasyon nina Indonesian President Prabowo Subianto at Vice President Gibran Rakabuming Raka.
Dumalo ang First Couple sa inagurasyon base na rin sa imbitasyon ni dating Indonesian President Joko Widodo para sa inagurasyon ng kanyang anak na si Vice President Gibran.
Ayon kay Presidential Communications Office Secretary Cesar Chavez, dumating ang First Couple ng 4:45 ng umaga, Oktubre 20.
Umalis ng Pilipinas ang First Couple noong Sabado, Oktubre 19.
Ayon sa PCO, ang pagdalo ni Pangulong Marcos sa inagurasyon ay patunay ng matibay na relasyon ng dalawang bansa.
“The President’s attendance [at] the inauguration also signifies the Philippines’ sincere commitment to further expand and deepen bilateral relations,” pahayag ng PCO.
Sa social media post naman ni Pangulong Marcos, sinabi nitong isang karangalan na maimbitahan sa inagurasyon.
“It was a special evening with our friends from the international community as we celebrated President Prabowo Subianto’s assumption of leadership. Liza and I were honored to be part of such a meaningful event,” pahayag ni Pangulong Marcos.
“We also acknowledge the contributions of former President Joko Widodo, whose efforts have strengthened Indonesia’s path forward. Here’s to the continued friendship and collaboration between our nations,” dagdag ni Pangulong Marcos.
