NAKAKULONG na dahil sa pag-iingat ng mahigit P15 milyon na halaga ng shabu, lalo pang nadiin sa loob ng piitan ng Navotas police noong Huwebes ang 27-anyos na bebot dahil sa kasong carnapping.

Nakakulong na si alyas Rose Ann, 27, nakakuha pa ng warrant of arrest ang mga tauhan ni Navotas police chief P/Col. Mario Cortes para sa kasong carnapping, ayon kay Northern Police District (NPD) Acting Director P/Col. Josefino Ligan.

Natimbog ng Philippine Drug Enforcement Agency (PDEA) noong Disyembre 16 ang suspek nang makuhanan ng 2,226.6 na gramo ng shabu na nagkakahalaga ng P15.1 million sa buy-bust sa Navotas City.

May inilaang piyansa na P300,000 kapalit ng pansamantalang paglaya ng suspek.