NANAWAGAN ang Department of Education (DepEd) sa mga estudyante na agad ipagbigay-alam sa kanila kung mayroong naranasang sexual o physical abuse sa paaralan.

Sinabi ni DepEd spokesperson Michael Poa na seryoso ang pagtingin ng ahensya sa mga paglabag na ito at iginiit na dapat na manatiling ligtas ang mga paaralan.

“DepEd is taking all reports about sexual abuse and violence against our learners in schools seriously as we are determined to ensure that schools all over the country are safe spaces for our learners and free from sexual predators,” sabi ni Poa.

Ang mga biktima ay maaari umanong mag-email sa DepEd ([email protected]), tumawag sa landline (8633-1942 o 8635-9817), o mag-text (0995-9218461) kahit na walang pasok ang tanggapan.