BUMAGSAK sa kamay ng mga pulis ang 63-anyos na magsasaka na suspek sa panggagahasa pero nagtago ng pitong taon sa Brgy. Cansuso, Cavinti, Laguna noong Huwebes.

Kinilala ang arestadong suspek na si Eliseo Perez, ayon kay P/Lt. Col. Jojo Sabeniano, hepe ng Calauan police.

Naaresto ang suspek dakong alas-5:25 ng hapon ng Warrant Operatives ng Calauan police.

Inaresto ang suspek sa bisa ng warrant of arrest na ipinalabas ni Judge Virgilio Gesmundo, Presiding Judge ng Regional Trial Court, 4th Judicial Region, Family Court, Branch 8, Calamba City, Laguna.