SWAK sa selda ang 29-anyos na lalaki matapos arestuhin ng mga operatiba ng Manila Police District sa Z. P. De Guzman St., Brgy. 394, Quiapo, Manila noong Lunes dahil sa kasong panghahalay.

Nakilala ang suspek na si alyas Jessie Jamid, ayon kay Police Lieutenant Colonel Arwen Nacional.

Bandang ala-1:05 ng madaling ng damputin ang akusado sa pangunguna nina P/Capt. James Dumangas at P/Lt. Carl Lloyd.

Hinuli ang suspek sa bisa ng arrest warrant na pirmado ni Judge Roy Gironella, Presiding Judge ng Regional Trial Court Branch 43, Manila.

Pansamantalang nakakulong sa Barbosa Police Station 14 ng MPD ang suspek habang inihahanda ang dokumentasyon sa pagsasampa ng kaso.