CAMP GEN MIGUEL MALVAR, Batangas–Nasakote noong Biyernes ng mga pulis ang mekaniko na nahaharap sa kasong panghahalay sa Brgy. Alangilan, Batangas City.

Naaresto ng mga tauhan ng warrant section ng Batangas City police si alyas Papa, 47, sa bisa ng warrant of arrest sa kasong 2 counts ng sexual assault at statutory rape by sexual intercourse na inisyu ng Regional Trial Court (RTC) Branch 1 ng Batangas City.

Walang inirekomendang piyansa para sa statutory rape by sexual intercourse ang korte para sa suspek pero nagtakda ng P180,000 piyansa para sa dalawang counts ng sexual assault.

Ang suspek ay kasalukuyang nakakulong sa Batangas City jail.