TIMBOG ang 24-anyos na lalaki matapos tangayin ang motorsiklo ng motorcycle taxi rider noong Biyernes sa Las Piñas City.

Ayon sa report, ipinarada ng Joyride rider ang kanyang Yamaha Mio 125 motorcycle sa tapat ng bahay sa isang subdivision sa Brgy. Manuyo Dos nang tangayin ng suspek na si alyas Jerome dakong alas-12:30 ng tanghali.

Nagsumbong ang biktima sa mga pulis tungkol sa pagtangay ng suspek sa kanyang motorsiklo kaya nadakip ang suspek.

Bukod sa pagkakabawi sa motorsiklo ng biktima, nakuha rin ng mga pulis sa suspek ang isang hindi lisensyadong kalibre .38 revolver at apat na bala.

Sasampahan ng kasong carnapping at paglabag sa RA 10591 (Comprehensive Firearms and Ammunition Act) sa Las Piñas City Prosecutor’s Office ang suspek.