GAGAWARAN ng National Police Commission (NAPOLCOM) ng Police Executive Service Eligibility (PESE) certificates ang 162 Police Lieutenant Colonels sa ika-20 PESE conferment rites sa Nobyembre 28 sa Jesse Robredo Hall, DILG-NAPOLCOM Center, Quezon City.

Pangungunahan ang seremonya ng kalihim ng Department of the Interior and Local Government (DILG) Juanito Victor “Jonvic” C. Remulla.

Bibigyan ng certificate ang mga lieutenant colonels dahil sa pagtatapos ng dalawang-yugtong pagsusuri ng PNP.

Nakapasa ang lahat ng kandidato sa written examination at validation interview.

Isa sa mga qualifications ang PESE certificate para sa pagtatalaga sa third-level ranks sa PNP mula police colonel hanggang general.

Binigyang-diin ni NAPOLCOM Commissioner Rafael Vicente Calinisan na ang PESE ay higit pa sa isang propesyonal na kredensyal dahil moral na panata na mamuno ng may integridad at paninindigan.