UMAKYAT sa 160 ang bilang ng mga nasawi sa pananalasa ng bagyong Paeng, ayon sa ulat na inilabas ng National Disaster Risk Reduction and Management Council (NDRRMC).

Sa naturang bilang 132 umano ang kumpirmado at 28 ang for validation.

Mayroon namang 29 na nawawala ay 146 na nasugatan.

Umabot umano sa 1.35 milyong pamilya o 5.4 milyong indibidwal ang naapektuhan ng bagyong Paeng sa 17 rehiyon.

Ang pinsala sa imprastraktura ay naitala sa P5.4 bilyon at ang pinsala sa agrikultura ay nasa P6.9 bilyon, ayon sa NDRRMC.