UMABOT ng 5 oras ang search and rescue bago nakuha ang katawan ng 11-taong gulang na batang babae.na nalunod sa ilog sa may Muralla Bridge 2, Brgy. 128, District 1, Tondo, Maynila noong Miyerkoles.

Kinilala ang biktima na si alyas Justine Joy.

Ayon sa ulat, bandang alas-11:25 ng umaga ng sumama siya sa kanyang mga kaibigan para maligo sa ilog sa gitna ng malakas na ulan.

Dahil sa malakas na agos ng tubig, nalunod ang biktima habang naliligo sa ilog.

Sinubukan pa siyang sagipin ng kanyang mga kaibigan pero hindi na siya naisalba.

Agad na humingi ng tulong ang kanyang pamilya sa mga awtoridad.

Rumesponde ang Philippine Coast Guard, Bureau of Fire Protection (BFP) at ilang volunteer upang magsagawa ng search and rescue.

Matapos ang halos limang oras na paghahanap, natagpuan ang kanyang bangkay bandang alas-3:24 ng hapon.