BATANGAS CITY–Binuksan na noong Nov. 28 ang Batangas City Night Market na nagtatampok ng mga lokal na produkto at pagkaing na ipinagmamalaki ng lungsod.

Bukas ang night market mula alas-4:00 ng hapon hanggang alas-9:00 ng gabi tuwing Biyernes, Sabado at Linggo.

Mabibili dito ang iba’t-ibang street food, inumin, desserts, kakanin, dekorasyon at iba pang produktong gawa ng mga Batangueño.

Layunin ng night market na higit pang maipakilala ang kultura at pagkamalikhain ng mga negosyante.

Pinangunahan nina Mayor Marvey Mariño at Congresswoman Beverley Dimacuha ang ribbon-cutting ng event.