KINILALA ng National Unity Party (NUP) ang magandang pamamalakad ni Speaker Ferdinand Martin G. Romualdez sa Kamara de Representantes.

Kasabay nito ay tiniyak ng NUP ang suporta nito sa supermajority coalition na binuo ni Speaker Romualdez na katuwang ng administrasyon ni Pangulong Ferdinand R. Marcos Jr. sa pagpapa-unlad ng bansa.

“We are witness on how Speaker Romualdez has steered the House in legislating key reform measures included in the 8-Point Socio-Economic Agenda of the Marcos administration,” sabi ng NUP sa isang pahayag na galing sa chairman nito na si Ronaldo Puno.

“We vow to continue working in close partnership with Speaker Romualdez, whose leadership and work ethic moved the legislative mill round the clock, producing an unprecedented number of priority bills passed on third and final reading in less than a year in office,” sabi pa sa pahayag.

Binati rin ng NUP si Rep. Aurelio “Dong” Gonzales na naluklok bilang Senior Deputy Speaker.