PINANGUNAHAN ni Gov. Joet Garcia, ikatlo sa kanan, noong Biyernes ang panunumpa sa tungkulin ng mga bagong halal na opisyal ng Multi-Sectoral Governance Coalition (MSGC)-Bataan sa pangunguna ni Atty. Ada Victoria Angeles bilang pangulo.

Ang MSGC ay samahan ng pribadong sektor, akademya, mga ahensya ng pamahalaan at iba pang stakeholders na katuwang ng Bataan sa pagsusulong ng good governance, transparency at community development sa ilalim ng Performance Governance System (PGS).

“Muli, taos-pusong pagbati po sa mga bagong halal na opisyal ng MSGC.

Nawa’y patuloy po namin kayong maging katuwang sa pagsusulong ng kaunlaran sa ating lalawigan,” ani Gov. Garcia.