ORIENTAL MINDORO–Tumugon ang ORMECO sa panawagan ni Gov. Bonz Dolor na makiisa sa layunin na tulungan ang mga kababayan na makabangon mula sa trahedyang dulot ng bagyong Opong.

“Nawa’y makatulong ang hakbang na ito ng ORMECO na una ang pagpapaliban ng mga nakatakdang meter reading schedule hangga’t hindi tuluyang naibabalik ang suplay ng kuryente sa buong lalawigan, at pangalawa ang pagpapawalang bisa ng penalty charges at disconnection charges ngayong buwan upang mas pagtuunan ng bawat isa ang pagsasaayos ng mga nasirang bahay, negosyo, at kabuhayan,” ayon sa gobernador.