ROSARIO, Batangas – Nagkaroon ng outreach program sa Barangay Poblacion B sa bayang ito noong Biyernes ang National Union of PNP Retirees Association Inc. (NUPAI) Batangas Chapter sa mga kababaihan at kabataan.

Isinagawa ang aktibidad sa Regional Haven for Women and Girls (RHWG) sa suporta ni PCol. Oliver Ebora, director ng Batangas police.

Nagbigay ng inspirasyon si Lea Perez, OIC-Head ng RHWG, bilang guest of honor at speaker.

Layunin ng programa na ipadama ang malasakit sa mga kababaihan at batang nasa ilalim ng pangangalaga ng pasilidad.

Patuloy ang Batangas Police Provincial Office sa pagpapatibay ng ugnayan nito sa iba-ibang ahensiya at komunidad upang isulong ang kapakanan ng mga bulnerableng sektor ng lipunan.