𝗣𝗜𝗡𝗔𝗣𝗨𝗥𝗜𝗛𝗔𝗡 ni 𝟭-𝗣𝗔𝗖𝗠𝗔𝗡 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗶𝗰𝗵𝗮𝗲𝗹 “𝗠𝗶𝗸𝗲𝗲” 𝗟. 𝗥𝗼𝗺𝗲𝗿𝗼, 𝗣𝗵.𝗗., 𝗮𝗻𝗴 𝗸𝗼𝗽𝗼𝗻𝗮𝗻 𝗻𝗴 𝗚𝗶𝗹𝗮𝘀 𝗣𝗶𝗹𝗶𝗽𝗶𝗻𝗮𝘀 𝗱𝗮𝗵𝗶𝗹 𝘀𝗮 𝗶𝗽𝗶𝗻𝗮𝗸𝗶𝘁𝗮 𝗻𝗶𝗹𝗮𝗻𝗴 𝘁𝗮𝗽𝗮𝗻𝗴 𝗮𝘁 𝗵𝘂𝘀𝗮𝘆 𝗻𝗮 𝗻𝗮𝗴𝘀𝗶𝗹𝗯𝗶𝗻𝗴 𝗶𝗻𝘀𝗽𝗶𝗿𝗮𝘀𝘆𝗼𝗻 𝗻𝗴 𝗯𝗮𝘄𝗮𝘁 𝗣𝗶𝗹𝗶𝗽𝗶𝗻𝗼 𝗽𝗮𝗿𝘁𝗶𝗸𝘂𝗹𝗮𝗿 𝗻𝗮 𝗽𝗮𝗿𝗮 𝘀𝗮 𝗺𝗴𝗮 𝗸𝗮𝗯𝗮𝘁𝗮𝗮𝗻.

Pagdidiin ni Romero, chairman ng House Committee on Poverty Alleviation, hindi aniya matatawaran ang ipinakitang puso o tapang ng Gilas Pilipinas team bagama’t hindi sila pinalad na makapasok sa Olympics matapos silang matalo sa number 12 na Brazil.

Sinabi ni Romero na hindi na rin masama ang naging “standing” ng Gilas Pilipinas sa nasabing torneo sapagkat ipinakita nila ang kanilang dedikasyon at determinasyon hindi lamang para sa kanilang mga kababayan kundi maging sa harap ng buong mundo.

Ayon sa kongresista, ang ipinakita ng koponan ng Gilas Pilipinas ay isang pagpapatotoo na kahit anong mangyari ay walang inuurungang laban ang mga Pilipino at ang mga Pinoy ay hindi basta-basta sumusuko sa anomang labanan.

Sabi ni Romero, natalo man ang Gilas Pilipinas sa ginanap na tournament ang mahalaga ay ipinakita ng mga Pilipino ang kanilang puso at dedikasyon para maabot ang kanilang layunin o objective.

Nauna rito, nagpahayag din ng paghanga si House Speaker Ferdinand Martin Gomez Romualdez para sa Gilas Pilipinas sa kabila ng kanilang kabiguan.

“The journey of Gilas Pilipinas is this tournament has been nothing short of inspirational. Their victory against Latvia, a European team was a historic moment for Philippine basketball and a testament to the team’s resilience and capability,” sabi ni Speaker Romualdez.

To God be the Glory