AABOT umano sa P1.17 bilyon ang kakailanganing pondo upang maipaayos ang mga paaralan na nasira sa pananalasa ng bagyong Karding.

Ayon kay DepEd spokesperson Michael Poa nasa 165 paaralan ang nagkaroon ng infrastructure damage at mayroon pang 396 na iba pa na mayroon ding natamong pinsala.

Nasa 92 paaralan pa umano ang ginagamit na evacuation center para sa mga residenteng nasalanta.

Sinabi ni Poe na ipapasok ng DepEd sa mga ipatatayong bagong paaralan ang disaster-resilient classrooms na ginawa ang disenyo sa tulong ng Department of Public Works and Highways (DPWH).