SINIRA ng Bureau of Customs (BOC)-Port of Ninoy Aquino International Airport (NAIA) ang mga inabandona at expired na produkto na dumating ng walang kaukulang clearance.

Habang nakamasid ang mga tauhan ng Auction and Cargo Disposal Division (ACDD) sinira ng BOC-NAIA ang mga produkto gamit ang Thermal Decomposer (Pyrolysis) Facility sa Integrated Waste Management Inc. (IWMI).

Sinabi ni District Collector Carmelita Talusan na makatutulong din ang pagsira sa mga hindi nakuhang package sa pagpapaluwag ng mga customs warehouse upang mayroong mapaglagyan ng mga darating pang package.