NATANGAY ng dalawang holdaper ang P150,000 na benta ng Alfamart sa Brgy. Dayap, Calauan, Laguna nang pasukin noong Sept. 22.

Ikinulong ng mga holdaper ang cashier na si Lyka Nuncio Dalumpines, 25, sa toilet ng tindahan kaya nakuha ang naturang halaga.

Tinutukan naman ng baril ang crew na si Tristan Llarena Odjimer, 22, at sapilitang dinala sa vault ng tindahan na naglalaman ng cash at cellphone.

Ayon sa Calauan police, naganap ang panghoholdap bandang alas-2:45 ng madaling araw ng dalawang suspek na sakay ng motorsiklo at armado ng baril.

Naka-facemask, gray pants, itim na jacket, pink na helmet at nakasakay sa Honda Click ang mga holdaper, ayon sa report.