CAMP VICENTE Lim, Canlubang, Laguna— Umaabot sa mahigit P1 milyon na halaga ng shabu at baril ang nakumpiska sa tatlong hinihinalang tulak na nasakote sa drug operation noong Sabado sa Brgy. San Juan, Taytay, Rizal.

Kinilala ang mga nahuli na sina alyas Mark, John at Aris.

Nahuli ang tatlo sa buy-bust ng Taytay police dakong ala-1:00 ng madaling araw at nakumpiska sa kanila ang 150 na gramo ng shabu na may standard price na P1,020,000.

Nabawi rin ng mga pulis ang 1 cellphone, cal .22 revolver at dalawang bala.