TATLONG hinihinalang tulak ng ilegal na droga ang naaresto sa buy-bust sa Cainta, Rizal noong Biyernes at narecover ang 320 gramo ng shabu na may halagang P2.1 milyon.

Isinagawa ang operasyon ng Cainta police katuwang ang Philippinr Drug Enforcement Agency (PDEA), bandang ala-1:25 ng madaling araw sa Brgy. San Isidro at nadakma ang mga suspek na sina alyas Khalef, 46; Jam, 45; at Naser, 53.

Bukod sa shabu na may bigat na 320 gramo na P2.1 milyon ang halaga, nakumpiska rin sa tatlo ang isang sling bag, marked money, boodle money, drug money at isang sasakyan.

Ang mga suspek ay mahaharap sa kasong paglabag sa RA 9165.