CLARK FREEPORT, PAMPANG–Naharang sa interdiction operation dito ang 1,003 tableta ng ecstasy, 106 gramo ng cathinone at 116 gramo ng ketamine na may kabuuang halaga na P2,444,100 mula sa Paris, France na idineklara bilang “animal food”.na idineklara bilang animal food.

Ayon sa Philippine Drug Enforcement Agency-Region III, nakatanggap ng impormasyon ang PDEA International Cooperation and Foreign Affairs Service (ICFAS) mula sa mga foreign counterparts hinggil sa kargamento.

Naka-address sa Metro Manila ang parsel na naglalaman ng mga ilegal na droga, ayon sa report.

Dinala sa laboratoryo ng PDEA ang nakuhang mga iligal na droga at nagpositibo sa confirmatory test.