AABOT sa P3,438,760 na halaga ng shabu ang nakumpiska sa isang binata na natyempuhan sa buy-bust ng mga awtoridad sa Quezon City noong Huwebes.

Kinilala ni Quezon City Police District (QCPD) officer-in-charge at Deputy District Director for Administration P/Col. Randy Silvio ang naaresto na si alyas Abdul, 22.

Nahuli siya sa entrapment ng mga operatiba ng District Drug Enforcement Unit ng QCPD sa Brgy. Tandang Sora bandang alas-2:55 ng hapon.

Ayon kay P/Maj. Elvin S Ballesteros, OIC ng DDEU, nasamsam sa suspek ang 505.7 na gramo ng shabu na may halagang P3,438,760, isang iPhone 12 at buy-bust money.

Kakasuhan ang suspek ng paglabag sa Republic Act 9165 o Comprehensive Dangerous Drugs Act of 2002.