TALAVERA, Nueva Ecija–Naaresto ang pinaniniwalaang tulak at nakuha sa kanya ang humigit-kumulang na P442,000 na halaga ng hinihinalang shabu sa Brgy. Pinagpanaan, Talavera, noong Biyernes.

Sa ulat kay Police Regional Office-3 director Brig. Gen. Ponce Rogelio Peñones Jr., kinilala ang suspek na si alyas Pogoy, 38.

Nasamsam sa suspek ang 11 plastic sachets ng hinihinalang shabu na tinatayang tumitimbang ng 65 gramo at nagkakahalaga ng P442,000.

Mahaharap ang suspek sa kasong paglabag sa RA 9165 (Comprehensive Dangerous Drugs Act of 2002).