Calendar
Natimbog ng mga pulis ng MPD ang mga suspek na umano’y nagbebenta ng ilegal na droga sa Malate, Maynila.
Kuha ni JONJON C. REYES
P557K shabu nakumpiska sa 3 suspek na tulak sa Malate
NABITAG ng mga tauhan ng Station Drug Enforcement Unit (SDEU) ng Manila Police District-Malate Police Station 9 ang isang suspek na tulak ng ilegal na droga at nakumpiska ang 82 gramo ng shabu na may value na P557,600 sa Mabini St., Brgy. 701, Malate, Maynila noong Martes.
Tiklo din ang kasabwat ng nahuling si alyas Bong, 46, na sina alyas Richie, 46, at alyas Andeng, 40.
Batay sa ulat ni Police Lieutenant Colonel Nelson Cortez, hepe ng MPD Malate Police Station 9, nahuli ang tatlo bandang alas-4:35 ng umaga nang mag sumbong na may nagaganap na bentahan ng droga sa nabanggit na lugar.
Narekober mula sa tatlong suspek ang shabu at marked money, ayon sa pulis.
Pinuri ni MPD chief P/BGen. Arnold Thomas Ibay ang mga pulis sa operasyon na naging daan para maaresto ang tatlong suspek.
