NATANGAYAN ng P72,000 at limang cellphone na may kabuuang halaga na P42,000 ang lending company noong Biyernes sa Bgy. San Fernando Sur, Cabiao, Nueva Ecija na pinasok ng dalawang nakatakas na holdaper.

Sa ulat kay Police Regional Office (PRO)-3 director Brig. Gen. Jean Fajardo, biktima ng mga armadong magnanakaw ang mga empleyado ng Life Bank Micro Finance Foundation Inc. na sina Maryel Carlos, 23; Sidney Garcia, 20; at Lex John Robles, 32.

Sinabi ng tatlong biktima sa mga pulis na nasa opisina sila nang may dalawang lalaki na pumasok at nagdeklara ng holdap.