INANUNSYO ng Department of Science and Technolog (DOST) na malapit ng gumamit ng Artificial Intelligence ang PAGASA sa weather forecasting.

Paliwanag ng DOST, umaasa sila na makakatulong ang AI sa pagpapabilis ng kanilang komputasyon para sa weather forecast.

Ayon naman kay DOST Secretary Renato Solidum Jr., layunin nito na paikliin ang pagitan ng mga komputasyon ng PAGASA sa mga weather forecast.

Mula sa nakasanayang abiso kada tatlong oras, umaasa sila na mapapababa ito sa labing limang minuto na lamang.

Dagdag pa nito, maaaring mabantayan ng PAGASA ang timpla ng panahon sa susunod na labing apat na araw imbis na ang ginagawang limang araw lamang.