Nagbabala ang Philippine Atmospheric, Geophysical and Astronomical Services Administration (PAGASA) matapos nitong opisyal na maglabas ng El Niño Alert ngayong Miyerkules, Abril 22, kasunod ng mataas na posibilidad ng pagbuo nito sa mga susunod na buwan.

Ayon sa ahensya, may tsansa ring tumagal ang epekto ng El Niño hanggang sa unang bahagi ng 2027, na posibleng makaapekto sa iba’t ibang bahagi ng bansa.

“This may bring drier-than-usual conditions, including dry spells and droughts in parts of the country,” pahayag ng PAGASA.