𝗜𝗦𝗜𝗡𝗨𝗦𝗨𝗟𝗢𝗡𝗚 𝗻𝗶 𝗢𝗙𝗪 𝗣𝗮𝗿𝘁𝘆 𝗟𝗶𝘀𝘁 𝗖𝗼𝗻𝗴. 𝗠𝗮𝗿𝗶𝘀𝘀𝗮 “𝗗𝗲𝗹 𝗠𝗮𝗿” 𝗣. 𝗠𝗮𝗴𝘀𝗶𝗻𝗼 𝗮𝗻𝗴 𝗽𝗮𝗴𝗽𝗮𝗽𝗮𝗶𝗴𝘁𝗶𝗻𝗴 𝗮𝘁 𝗽𝗮𝗴𝗽𝗮𝗽𝗮𝗹𝗮𝗸𝗮𝘀 𝗻𝗴 𝗺𝗴𝗮 𝗯𝗮𝗯𝗮𝗹𝗮𝗻𝗴𝗸𝗮𝘀𝗶𝗻𝗴 𝗽𝗿𝗼𝗴𝗿𝗮𝗺𝗮 𝗽𝗮𝗿𝗮 𝗺𝗮𝘀 𝗹𝗮𝗹𝗼 𝗽𝗮𝗻𝗴 𝗺𝗮𝗽𝗿𝗼𝘁𝗲𝗸𝘁𝗮𝗵𝗮𝗻 𝗮𝗻𝗴 𝗶𝗻𝘁𝗲𝗿𝗲𝘀 𝗮𝘁 𝗸𝗮𝗴𝗮𝗹𝗶𝗻𝗴𝗮𝗻 𝗼 𝘄𝗲𝗹𝗳𝗮𝗿𝗲 𝗻𝗴 𝗺𝗴𝗮 𝗢𝘃𝗲𝗿𝘀𝗲𝗮𝘀 𝗙𝗶𝗹𝗶𝗽𝗶𝗻𝗼 𝗪𝗼𝗿𝗸𝗲𝗿𝘀 (𝗢𝗙𝗪𝘀) 𝘀𝗮 𝗞𝘂𝘄𝗮𝗶𝘁.

Ang naging pahayag ni Magsino ay sa kabila ng ginawang pag-lift o pag-kansela ng Kuwaiti government sa mahabang panahong kanselasyon ng pag-iisyu nila ng “entry visa” at “worker visas” para sa mga OFWs na nagta-trababo sa nasabing bansa.

Ayon kay Magsino, mismong ang Department of Migrant Workers (DMW) ang nag-kompirma patungkol sa muling pagbubukas o “reopening” ng deployment o ang pagpapadala ng mga OFWs sa Kuwait.

Sabi din ni Magsino na para naman sa deployment ng mga “household service workers” ang papayagan lamang ng Kuwaiti government ay yung mga Pilipinong dating ng may work experience o nakapag-trabaho nana bilang isang household worker.

Sabi pa ng kongresista, marami sa mga Pilipino ang talagang sabik na sabik na makabalik sa kanilang naudlot na trabaho sa Kuwait. Ang pagpapatuloy ng kanilang dating trabaho ang magbibigay sa kanila ng pagkakataon para muling matustusan ang mga pangangailangan ng kanilang pamilya dito sa Pilipinas.

Ipinaliwanag ni Magsino na sa pagkakataong ito, kinakailangan na aniyang magkaroon ng mas malakas na protection para sa mga OFWs na nagnanais muling magtrababo sa Kuwait.

“Thank you Kuwaiti government. Big thanks to the DMW, Department of Foreign Affairs (DFA) and hardworking Embassy and MWO officials in Kuwait in making sure that the Filipinos will have available livelihood in Kuwait and will still be part of host country’s deployment of Filipino workers,” ayon kay Magsino.