𝗣𝗜𝗡𝗔𝗣𝗨𝗥𝗜𝗛𝗔𝗡 𝗻𝗴 c𝗵𝗮𝗶𝗿𝗺𝗮𝗻 𝗻𝗴 𝗛𝗼𝘂𝘀𝗲 𝗖𝗼𝗺𝗺𝗶𝘁𝘁𝗲𝗲 𝗼𝗻 𝗧𝗼𝘂𝗿𝗶𝘀𝗺 𝗻𝗮 𝘀𝗶 𝗥𝗼𝗺𝗯𝗹𝗼𝗻 𝗟𝗼𝗻𝗲 𝗗𝗶𝘀𝘁. 𝗖𝗼𝗻𝗴. 𝗘𝗹𝗲𝗮𝗻𝗱𝗿𝗼 𝗝𝗲𝘀𝘂𝘀 “𝗕𝘂𝗱𝗼𝘆” 𝗙. 𝗠𝗮𝗱𝗿𝗼𝗻𝗮 𝘀𝗶 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗧𝗼𝘂𝗿𝗶𝘀𝗺 (𝗗𝗢𝗧) 𝗦𝗲𝗰. 𝗖𝗵𝗿𝗶𝘀𝘁𝗶𝗻𝗮 𝗚𝗮𝗿𝗰𝗶𝗮 𝗙𝗿𝗮𝘀𝗰𝗼 𝗺𝗮𝘁𝗮𝗽𝗼𝘀 𝗶𝘁𝗼𝗻𝗴 𝗺𝗮𝗸𝗮𝘁𝗮𝗻𝗴𝗴𝗮𝗽 𝗻𝗴 𝗱𝗮𝗹𝗮𝘄𝗮𝗻𝗴 𝗽𝗿𝗲𝘀𝘁𝗶𝘀𝘆𝗼𝘀𝗼𝗻𝗴 𝗽𝗮𝗿𝗮𝗻𝗴𝗮𝗹 𝗻𝗮 𝗸𝘂𝗺𝗶𝗸𝗶𝗹𝗮𝗹𝗮 𝘀𝗮 𝗸𝗮𝗻𝗶𝘆𝗮𝗻𝗴 𝗵𝘂𝘀𝗮𝘆 𝗱𝗮𝗵𝗶𝗹 𝘀𝗮 𝗽𝗮𝗴𝘀𝗮𝘀𝗮-𝗮𝘆𝗼𝘀 𝗮𝘁 𝗽𝗮𝗴𝗽𝗮𝗽𝗮-𝘂𝗻𝗹𝗮𝗱 𝗻g 𝘁𝘂𝗿𝗶𝘀𝗺𝗼 𝗻𝗴 𝗯𝗮𝗻𝘀𝗮.

Ayon kay Madrona, hindi matatawaran ang ipinamalas na husay ni Frasco bilang Kalihim ng Tourism Department. Aniya, sapul ng manungkulan ito sa ahensiya ay napakalaki ng iniunlad ng Philippine tourism hindi lamang sa pagpasok ng napakaraming turista bagkos sa pamamagitan ng malaking revenues na napunta sa kaban ng pamahalaan.

Sabi ni Madrona, tinanggap ni Sec. Frasco ang dalawang parangal mula sa GovMedia Conference and Awards 2024 dahil sa mga programang isinulong nito. Kabilang dito ang Tourism Rest Area (TRA) na nagdudulot ng napakalaking ginhawa para mga dayuhan at lokal na turista.

Ipinaliwanag pa ng kongresista na dahil sa dalawang prestiyosong award na tinanggap ni Frasco, pinatutunayan lamang nito aniya na maganda ang kinabukasang naghihintay para sa Philippine tourism bunsod ng mahusay na pamamalakad o pagpapatakbo ni Frasco.

Dati nang sinabi ni Madrona na napakahusay na “sales lady” o ‘sales manager” ni Sec. Frasco dahil sa kaniyang kahanga-hangang talino para hukayatin ang mga dayuhang turista na mamuhunan sa tourism business industry at ang panghihikayat din nito para bumisita o mamasyal sa bansa.

Bukod kay Frasco, pinapurihan din ni Madrona si President Ferdinand “Bongbong” R. Marcos, Jr. dahil sa isinulong nitong Filipino Brand of Service Excellence (FBSE) kung saan sa pamamagitan aniya ng programang ito ay napakalaking reporma ang nangyari sa turismo ng bansa bunsod ng pagdagsa ng milyon-milyong turista.

Naniniwala din si Madrona na ang natanggap na award ni Frasco ang magsisilbing inspirasyon nito para lalo pa nitong mapabuti at mapaunlad ang turismo ng bansa sa mga darating na panahon.