𝗗𝗔𝗛𝗜𝗟 𝘀𝗮 𝗵𝘂𝘀𝗮𝘆 𝗮𝘁 𝘁𝗮𝗹𝗶𝗻𝗼𝗻𝗴 𝗶𝗽𝗶𝗻𝗮𝗺𝗮𝗹𝗮𝘀 𝗻𝗴 𝗺𝗴𝗮 𝗮𝘁𝗹𝗲𝘁𝗮𝗻𝗴 𝗸𝗮𝗯𝗮𝗯𝗮𝘆𝗮𝗻 𝗻𝗶 𝗛𝗼𝘂𝘀𝗲 𝗗𝗲𝗽𝘂𝘁𝘆 𝗠𝗮𝗷𝗼𝗿𝗶𝘁𝘆 𝗟𝗲𝗮𝗱𝗲𝗿 𝗮𝘁 𝗜𝘀𝗮𝗯𝗲𝗹𝗮 𝟲𝘁𝗵 𝗗𝗶𝘀𝘁. 𝗖𝗼𝗻𝗴. 𝗙𝗮𝘂𝘀𝘁𝗶𝗻𝗼 “𝗜𝗻𝗻𝗼” 𝗔. 𝗗𝘆 𝗩 𝘀𝗮 𝗻𝗮𝗸𝗮𝗿𝗮𝗮𝗻𝗴 𝗣𝗮𝗹𝗮𝗿𝗼𝗻𝗴 𝗣𝗮𝗺𝗯𝗮𝗻𝘀𝗮 i𝘀𝗶𝗻𝘂su𝗹𝗼𝗻𝗴 𝗻𝗶𝘁𝗼 𝗮𝗻𝗴 𝗶𝘀𝗮𝗻𝗴 𝗽𝗮𝗻𝘂𝗸𝗮𝗹𝗮𝗻𝗴 𝗯𝗮𝘁𝗮𝘀 𝗽𝗮𝗿𝗮 𝘀𝗮 𝗽𝗮𝗴𝘁𝗮𝘁𝗮𝘁𝗮𝗴 𝗻𝗴 𝗦𝗽𝗼𝗿𝘁𝘀 𝗔𝗰𝗮𝗱𝗲𝗺𝘆 𝗮𝘁 𝗧𝗿𝗮𝗶𝗻𝗶𝗻𝗴 𝗖𝗲𝗻𝘁𝗲𝗿 𝘀𝗮 𝗸𝗮𝗻𝗶𝗹𝗮𝗻𝗴 𝗹𝗮𝗹𝗮𝘄𝗶𝗴𝗮𝗻.

Inihain ni Dy, vice-chairman ng House Committee on Tourism, ang House Bill No. 1145 sa Kamara de Representantes na naglalayong magtatag ng Cauayan City Sports Academy and Training Center.

Ipinaliwanag ni Dy na ang layunin ng kaniyang panukalang batas ay upang mas lalo pang hasain at sanayin ang mga atleta sa kanilang lalawigan sa larangan ng sports kasunod ng napakagandang performance na ipinamalas nila sa katatapos pa lamang na Palarong Pambansa.

Ayon pa sa kongresista, naipakita ng kanyang mga kababayang atleta ang kanilang husay at talino sa iba’t-ibang sports event na kanilang nilahukan. Kaya kinakailangang mas hasain pa sila bilang paghahanda sa mga susunod pang sports events na maaaring mangyari sa darating na hinaharap.

Sabi pa ni Dy, nararapat lamang na suportahan nito ang mga kababayan niyang atleta na nagbibigay ng karangalan sa kanilang lalawigan. Bukod pa dito ang napakalaking potensiyal na nakikita sa kanila na maaaring sila ang susunod na henerasyon ng mga Pilipinong atleta na lalahok sa mga international sports competition.

“Kaya isinulong po natin ang House Bill 1145 o ang An Act Establishing Cauayan City Sports Academy and Training Center upang mas mahasa pa ang kakayahan ng bawat atleta ng ating probinsiya. Nakakahinayang ang kanilang talento kung hindi natin sila susuportahan,” sabi ni Dy.

Nabatid pa sa House Deputy Majority LeaderLeader na nakapaloob sa kaniyang panukalang batas ang pagkakaroon ng sapat na mga kagamitan para maggamit ng mga atleta.