HINDI dadalo si Pangulong Ferdinand “Bongbong” Marcos Jr. sa Asia Pacific Economic Cooperation Summit sa Lima, Peru sa Nobyembre 10 hanggang 16, 2024.

Sa halip, sinabi ni Presidential Communications Office Secretyary Cesar Chavez na si Trade and Industry Secretary Ma. Cristina Roque na lamang ang magsisilbing Special Envoy ng Pangulo sa APEC Economic Leader’s Week.

Paliwanag ni Chavez, kaya hindi dadalo si Pangulong Marcos sa naturang pagpupulong dahil uunahin nitong tutugunan ang domestic concernes sa bansa.

Tinutukan aniya ni Pangulong Marcos ang pagresponde ng gobyerno sa mga nasalanta ng mga nagdaang bagyo.