NAKATAKDANG bumisita sa Pilipinas si Paraguay President Santiago Peña sa Mayo 11, 2026, matapos ang imbitasyon ni Pangulong Ferdinand Marcos Jr., ayon sa inanunsyo ng Malacañang nitong Martes.

Sa kanyang pagdating, sasalubungin si Peña ng official honors sa Malacañang Palace bago ang inaasahang bilateral meeting nila ni PBBM.

Tatalakayin ng dalawang lider ang mga posibleng hakbang para mapalakas pa ang ugnayan ng Philippines at Paraguay, kabilang ang kooperasyon sa iba’t ibang larangan at mga programang makatutulong sa kapwa pag-unlad ng dalawang bansa.