SAN FERNANDO, La Union–Nagbigay ng libreng gupit ang mga pulis sa siyudad na ito bilang paggunita sa anibersaryo ng Martial Law.

Sinabi ni Major Lawrence Ganuelas na ang La Union Police Provincial Office (LUPPO) sa ilalim ni Col. Redentor Ulsano ang naglunsad ng free haircut sa Lions Park, Brgy. 1, San Fernando City.

Ayon pa kay Major Ganuelas, mahigit 300 pulis ang nai-deploy para ma-secure ang mga tao sa protest-rally noong Linggo.

Nagprotesta sa Youth Freedom Park ang grupo ng Kabataan ng La Union Para sa Pagbabago at Lupin, na nangangalaga ng kalikasan, upang kondenahin ang bilyones na pera ng bayan na umano’y kinurakot ng mga contractor, DPWH personnel at ilang corrupt na politiko.