NAARESTO ng mga pulis ang anim na suspek sa iba’t-ibang krimen sa Quezon City.

Kinilala ni QCPD director P/BGen. Melecio Buslig Jr. ang mga nadakip na sina alyas Landoy, 45; Galario, 42; Juaton, 44; Villarico, 45; Dalagan, 47, at Canonizado, 45.

Inaresto ng District Mobile Force Batallion (DMFB) sa ilalim ni P/Lt. Col. Edgar Batoon si Landoy alas-5:20 ng hapon sa Brgy. San Nicolas, Bamban, Tarlac dahil sa paglabag sa RA 9165 o ang Comprehensive Dangerous Drugs Act of 2002.

Si Galario nadakip bandang alas-4:45 ng hapon para sa kasong paglabag sa RA 9165.

Si Juaton may kasong estafa. Si Villarico may kasong paglabag sa R.A. 9165; Si Dalagan wanted sa kasong paglabag sa R.A. 7610 o ang Special Protection of Children Against Abuse, Exploitation and Discrimination Act at si Canonizado para sa kasong acts of lasciviousness.