Iginawad ni Pangulong Ferdinand R. Marcos Jr. kay Olympic gold medalist Carlos Yulo ang halagang P20 milyon at Presidential Medal of Merit sa welcome reception para sa 2024 Olympians sa Malacañang

Tig-P2 milyon naman ang ibinahagi ni President Marcos sa mga bronze medalists na sina Aira Cordero Villegas at Nesthy Alcayde Petecio, at tig-P1 milyon naman para sa iba pang mga nakilahok sa 2024 Olympics.

Kinilala ng Pangulo ang dedikasyon ng mga atleta, maging ang suporta ng kanilang mga coach, trainer, at mahal sa buhay. Binigyang-diin din niya ang layuning isulong pa ang sports development sa Pilipinas.