ANGELES CITY–Natagpuan ang patay na lalaki dito na may mga saksak sa katawan noong Huwebes, ayon sa report.

Sa Interior St., Brgy. Ninoy Aquino natagpuan ang bangkay, ayon kay Police Regional Office (PRO)-3 director Brig. Gen. Ponce Rogelio Peñones Jr.

Ayon sa pulisya, sinabi ng isang saksi sa mga imbestigador na nagising siya dahil sa kaguluhan sa labas ng kanyang bahay at narinig ang mga taong nagtatakbuhan.

Nang lumabas ang saksi, nakita niya ang biktima na nakahandusay sa kalsada kaya humingi siya ng tulong at nagpahinto sa dumadaang tricycle upang isugod sa ospital ang biktima kung saan idineklara na dead-on-arrival.