PATAY na at lulutang-lutang nang matagpuan ng mga tauhan ng Philippine Coast Guard (PCG) ang isang menor-de-edad na babae sa Pier 3, South Harbor, Port Area, Manila noong Huwebes.

Ang biktima, na walang pang-itaas na damit, nasa 4’9 ang taas at katamtaman ang pangangatawan, ayon sa report.

Bandang alas-7:39 ng gabi nakatanggap ng tawag sa telepono ang mga pulis tungkol sa babaeng natagpuang patay sa nasabing lugar.

Rumesponde sina PO2nd Patrick John Juliano para imbestigahan ang kaso.

Nakipag-coordinate ang mga nakakita sa Coast Guard South Harbor sa pangunguna ni PO3rd Rowel Juanico para makuha ang bangkay.

Inaalam pa ang pagkakakilanlan ng biktima ni PSSg Charles Benson Dela Torre ng MPD homicide section.