INANUNSYO ni Pangulong Ferdinand Marcos Jr. ang pagbubukas sa publiko ng Malacañang Palace Grounds para makita ang Malacañang Christmas Tree at dumalo sa Simbang Gabi.

Sa temang “Tara sa Palasyo,” ilang bahagi ng Palasyo ay bubuksan sa publiko mula Disyembre 18 hanggang 24, alas-7 ng gabi hanggang 6 ng umaga kinabukasan.

Ang Simbang Gabi ay ginaganap tuwing alas-4:30 ng umaga sa tapat ng Mabini Hall.

Ang mga nais na magsimba ay maaaring pumasok sa Gate 6.

Nauna rito ay pinangunahan ng Pangulo ang pagbubukas sa ilaw ng Christmas tree na nasa Kalayaan Grounds at isang gift-giving event sa tapat ng Palasyo.