DADALO si Pangulong Ferdinand Marcos Jr. sa 40th at 41st Association of Southeast Asian Nations (ASEAN) Summits sa Phnom Penh, Cambodia.

Ito ang sinabi ni Office of the Press Secretary Undersecretary at officer-in-charge Atty. Cheloy Velicaria-Garafil sa isang press briefing kasabay ng kanyang paggiit sa kahalagahan ng naturang pagpupulong.

Ayon kay Garafil dalawang beses isinasagawa ang summit kung saan tinatalakay ang iba’t ibang polisiya na nakakaapekto sa mga miyembro ng ASEAN.

Kasabay ng pagdalo ng Pangulo sa Summit ay bibisitahin din umano nito ang Filipino community sa Cambodia.

Matapos ang ASEAN Summit, dadalo naman ang Pangulo sa APEC Economic Leaders Meeting (AELM) na gagawin naman sa Thailand.