TINIYAK ni Pangulong Ferdinand “Bongbong” Marcos Jr. na may mga masisibak na opisyal ng gobyerno dahil sa paglabas ng bansa ng na dismiss na mayor ng Bamban, Tarlac na si Alice Guo.

Babala ni Pangulong Marcos, full scale investigation ang ikakasa ng gobyerno sa pagpuslit ni Guo.

Ayon sa Pangulo, ang paglabas ng bansa ni Guo ay patunay na talamak ang korupsyon na nagpapahina sa justice system sa Pilipinas.

“The departure of 𝗔𝗹𝗶𝗰𝗲 𝗚𝘂𝗼 has laid bare the corruption that undermines our justice system and erodes public trust,” pahayag ni Pangulong Marcos.

“𝗟𝗘𝗧 𝗠𝗘 𝗕𝗘 𝗖𝗟𝗘𝗔𝗥: 𝗛𝗲𝗮𝗱𝘀 𝘄𝗶𝗹𝗹 𝗿𝗼𝗹𝗹,” dagdag ng Pangulo.

Tiniyak ni Pangulong Marcos na ilalantad sa publiko ang mga taong nasa likod ng pagtakas ni Guo.

“We will 𝗲𝘅𝗽𝗼𝘀𝗲 the culprits who have betrayed the people’s trust and aided in her flight. A full-scale investigation is already underway, and those responsible will be suspended and will be held accountable to the fullest extent of the law,” pahayag ni Pangulong Marcos.

“There is no room in this government for anyone who places personal interest above serving the Filipino people with honor, integrity and justice,” dagdag ng Pangulo.

Nahaharap sa iba’t ibang kaso si Guo dahil sa pagkakadawit sa ilegal na operasyon ng Philippine Offshore Gaming Operators (POGO).

Una nang isiniwalat ni Senador Risa Hontiveros na pumuslit ng bansa si Guo noong Hulyo 17 at Nagtungo sa Kuala Lumpur, Malaysia.