HINDI nakaharap si Pangulong Ferdinand Marcos Jr. sa mga miyembro ng media matapos itong sipon.

Sa isang speech ay nagawang magbiro ng Pangulo na paos ang boses. Sinabi nito na hindi sanay ang mga Pilipino sa winter.

Si Speaker Martin G. Romualdez ang humarap sa mga miyembro ng media na kasama sa Association of Southeast Asian Nations-European Union Commemorative Summit sa Belgium.

Ayon kay Romualdez pinayuhan nito si Marcos na magpahinga na lamang muna upang makabawi.

Bukod sa pagsasalita sa ASEAN-EU, mayroon ding mga bilateral meeting ang Pangulo. Nakipagkita rin si Marcos kay King Philippe ng Belgium sa Royal Palace sa Brussels.

Nais ni Marcos na palakasin ang bilateral relation ng Pilipinas at Belgium.