NAKAKUHA ng mataas na approval rating si Pangulong Ferdinand “Bongbong” Marcos Jr. sa kanyang desisyon na hawakan ang Department of Agriculture.

Ayon sa Pahayag 2022 Quarterly Survey Series ng PUBLiCUS Asia survey nakakuha si Marcos ng 63 porsyentong approval rating sa pagganap nito bilang kalihim ng DA.

Tanging 15 porsyento lamang ang tutol dito at 22 porsyento naman ang undecided.

Isinagawa ang survey mula Setyembre 16-20 at kinuha ang opinyon ng 1,500 respondents.

Ayon kay Marcos kailangang bigyang prayoridad ang DA upang matiyak na mayroong sapat na suplay ng pagkain na mabibili sa murang halaga.

Sa ilalim ng Pangulo ay malaki ang itinaas ng budget na nakalaan sa DA.